Hoe om dwaas te leef met jou besittings

Teks: Prediker 5:10

Prediker 5 deel ’n aantal beginsels oor hoe om nie deur jou besittings besit te word nie:

VERS 9a: “Die mens vir wie geld alles is, het nooit genoeg geld nie.”

Gevolgtrekking 1: Hoe meer jy het, hoe meer wil jy hê.

VERS 9b: “Die mens vir wie rykdom alles is, kry nooit genoeg in nie.”

Gevolgtrekking 2: Hoe meer jy het, hoe minder tevrede is jy.

VERS 10a: “As die goeie dinge van die lewe baie word, word die eters ook baie.”

Gevolgtrekking 3: Hoe meer jy het, hoe meer wil mense daarin deel.

VERS 10b: “Al wat die eienaar daaraan het, is om dit te aanskou.”

Gevolgtrekking 4: Hoe meer jy het, hoe meer ontdek jy dit help jou nie.

VERS 11: “Die slaap van die arbeider is soet, of hy min eet of baie, maar die oorvloed van die ryke laat hom onrustig slaap.”

Gevolgtrekking 5: Hoe meer jy het, hoe meer het jy om jou oor te bekommer.

VERS 12: “Ek het in hierdie wêreld 'n bitter swaar ding gesien: Dat 'n man rykdom opgaar en dit vir hom ellende bring.”

Gevolgtrekking 6: Hoe meer jy vasklou aan geld, hoe meer beskadig dit jou menswees.

VERS 13:  “Hy doen verkeerd sake en verloor die rykdom. Hy het intussen die pa van 'n seun geword en dié kry niks nie.”

Gevolgtrekking 7: Hoe meer jy het, hoe meer verloor jy.

VERS l4: “Self gaan hy kaal uit die wêreld soos hy daarin gekom het. Hy kan niks met hom saamneem vir al sy inspanning nie.”

Gevolgtrekking 8: Jy kan niks saamvat nie.

Gebed: Heer leer my om wys  met my besittings te leef. Keer dat ek ’n slaaf hiervan word.