• deur Stephan Joubert

Leef luiheid flou


Ledigheid is die duiwel se oorkussing. So lui die ou Afrikaanse spreekwoord. Ek weet nie wat is ’n oorkussing nie, want ekself het net ’n kopkussing. Maar ek weet darem ledigheid is ’n ouer Afrikaanse woord vir voltyds rondsit en niksdoen - luiheid, met ander woorde. Luiheid is gevaarlik, want dan begin jy droogmaak. Of jy fokus op ander se foute. Om die slagoffer van permanente luiheid te wees, is sinoniem met dwaasheid. Spreuke 26:13 deel juis van een van die ‘slim’ verskonings van dwase om niks te doen nie - hulle doen niks omdat hulle dink daar’s al weer ’n leeu op straat. Moenie hulle voorbeeld navolg en dit agterna doen nie. Volg eerder Prediker 9:10 se roete deur elke dag met toewyding dit te doen wat jou hand vind om te doen. Doen elke dag iets konstruktief tot voordeel van die Here en ander. Moenie net rondsit en wag op beter dae nie. Skep daardie einste beter dae self. Bemoedig iemand. Deel ’n beker koue water elke dag uit. Dra ’n las vir iemand wat hulle nie self kan dra nie. Bid vir ’n persoon in nood. Leef luiheid flou tot eer van die Heer.


© 2020 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

logo snapscan.png
Zapper logo wit.png

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: