• deur Stephan Joubert

Geloof maak nie aldag sin nie; dit hoef ook nie!


Wie’t gesê geloof maak aldag sin?

* Vra vir Noag. Vir baie jare het hy die spot van mense verduur terwyl hy ‘n groot ark vir God gebou het. Ek meen - ’n ark op droë land?

* Vra vir Abraham wat op 75 jarige ouderdom daar in Genesis 12 geroep is as God se antwoord op die sondes van die mensdom. Boonop moes hy en Sara nog vir 25 jaar vashou aan God se belofte terwyl hulle om elke hoek en draai die spot van almal verduur wat gehoor het hulle wag nog op hulle eersteling!

* Vra vir ‘n tagtigjarige Moses wat ongewapend en al hakkelende by die Farao opgedaag het met ‘n bevel dat hy die Israeliete moet laat trek.

* Vra vir Gideon en sy 300 soldate wat bewapen was met fakkels en dromme om meer as 130,000 opponente aan te durf.

* Vra vir Dawid wat met net 5 klippies in sy hand vir Goliat, die kampioenvegter van die Filistyne aangevat het.

* Dan is daar nog Petrus ook wat midde in ‘n storm ‘n paar treë saam met Jesus op water gaan loop het. Of Paulus wat lofliedere tot eer van God sing nadat sy liggaam vroeër die dag in Filippi uitmekaar geslaan is deur vyande van sy Heer. Of Stefanus wat bid dat die Here sy vyande moet vergewe wat besig is om hom met klippe dood te gooi.

Nee, die evangelie maak definitief nie altyd sin nie. Daarom dat ek so baie hou van Madeleine L’Engele se woorde oor geloof: “We try to be too reasonable about what we believe. What I believe is not reasonable at all. In fact, it’s hilariously impossible. Possible things aren’t worth much. These crazy impossible things keep us going.” Sluit elke dag opnuut by hierdie vreemde, dapper geloofsbrigade van die Here aan. Vat Christus op sy woord. Hou die Here se hand styf vas. Hy is by jou al die dae tot aan die einde.


© 2020 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

logo snapscan.png
Zapper logo wit.png

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: