Blog Artikels

My oog val op ’n paar opmerkings onderaan ’n berig wat vertel van ‘n uithangplek wat iewers afgebrand het. Ek lees hoe iemand skryf dit was die duiwel se plek en dis goed dat daardie plek in vuur opgegaan het. Nog iemand meen sulke plekke moet vervloek word. Tussendeur juig iemand anders oor Sodom en Gomorra wat geval het.

Verlede jaar (2025) het die fliek Train Dreams die lig gesien. Dis die lewensverhaal van ‘n karakter met die naam van Robert Grainier, gespeel deur Joel Edgerton. Wat die fliek werklik (vreemd genoeg) merkwaardig maak is dat daar min dramatiese dinge in die fliek gebeur. Dis ‘n baie lang, maar baie gewone storie van ‘n gewone lewe met sy hoogtepunte, laagtepunte, tragedies en uitgerekte dialoë, wat meestal nie uitloop op enige betekenisvolle gevolgtrekkings of resultate nie.