Jy is nie die flop van die jaar nie

August 1, 2019

Daardie “te min te laat” gevoel kleef soms aan mens vas. Dikwels voel jy asof jy die Here se heel stoutste kind is na ‘n preek of iets wat jy in die Bybel gelees het. Wel, hier’s goeie nuus vir jou: Christus begin elke dag en elke slag oor met elke “te-min-te-laat-doener.” Jesus is nie so ontevrede met jou soos wat jy dink nie. Hy is besig om jou na God se beeld te omvorm. In 2 Korintiërs 3:18 se woorde is sy Gees besig om jou van heerlikheid tot heerlikheid te transformeer. Hy maak jou vandag van voor af splinternuut. Dit skryf Paulus in 2 Korintiërs 4:16. Hierdie vernuwing en verandering gebeur stilweg. Net so min as wat jy ‘n boom kan sien groei terwyl jy daarna kyk, net so min gaan jy jou eie groei in God se rigting raaksien. Moenie moedeloos raak nie. Sit maar net jou hand in die Here S’n en los die res oor aan Hom. Hou op om op jou mislukkings te fokus. Jy’s nie die flop van die week nie. Om so te dink is eintlik ‘n mosie van wantroue in die Here. Boonop is dit nie waar nie.

 

Please reload

ONLANGSE ARTIKELS

December 6, 2019

December 5, 2019

December 3, 2019

November 29, 2019

Please reload

AFDELINGS & SKRYWERS
LEES SOORTGELYKE ARTIKELS
Please reload

© 2019 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: