Enige iemand in sy diens

August 26, 2016

 

 

“... Ons het gehoor hoe die Here die water van die Rietsee voor julle laat opdroog het toe julle uit Egipte weg is...” Josua 2:10

 

Ek is so bly dat God nie perfekte mense kies om vir Hom te werk nie. Want dan sou daar min van ons wees wat iets vir Hom kon doen nie! Ons Here kies gebrokenes, sondaars en feilbare mense. Ja, Hy kies selfs mense soos Ragab: die prostituut!

 

Jy onthou nog dat Josua die Israeliete moes lei om die beloofde land binne te val en dat hy toe eers twee spioene vooruit gestuur het om ‘n paar dinge te verken. Dis dan wanneer die verkenners met Ragab, die prostituut, kontak maak. Ragab was nie geleerd nie en het nie veel kennis oor die Here gehad nie, maar sy het gehoor wat die God van Israel kan doen en het besluit dat sy hierdie God wil vertrou. En omdat sy glo sonder om te sien, help sy die twee verkenners om te ontsnap. Ragab hoor, vertrou en glo en word dan op ‘n wonderlike manier deur God gebruik.

 

Ons is allermins perfek. Ons kennis van God, die Woord en sy wêreld is so beperk. Tog wil die Vader ons gebruik presies soos ons vandág is. Want Hy gaan ons toerus met dit wat ons môre kan wees.

 

Moenie verbaas wees as jy God se roepstem in jou hart hoor nie. Vertrou Hom, volg Hom en beleef hoe Hy wondere deur jou doen!

 

Here, ek sal gehoorsaam volg waar U my lei.

 

Net soos jy is – uitgegee deur CUM

Please reload

ONLANGSE ARTIKELS

February 27, 2020

February 26, 2020

February 25, 2020

February 21, 2020

February 19, 2020

Please reload

AFDELINGS & SKRYWERS
LEES SOORTGELYKE ARTIKELS
Please reload

© 2020 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: