Nie goed nie, dankie!

June 10, 2019

“Nie goed nie, dankie!” So reageer ek sommer op die ingewing van die oomblik toe ’n telefoonbemarker my vra het hoe gaan dit. Sy het dit nie eens gehoor nie en ongestoord voortgegaan om haar produk aan my te probeer verkoop. Toegegee, ons is al so gewoond aan daardie standaard-antwoord: “goed, dankie.” Dit is wat ons almal antwoord as mense vra na ons welstand.

 

Ek onthou dat toe ek ’n klompie jare gelede by ’n Duitse universiteit gewerk het, ek baie gou agtergekom het Duitsers vra nie juis vir mekaar hoe gaan dit nie. Een of twee relatief sarkastiese antwoorde het my hiervan genees, soos: “Is jy ’n mediese dokter dat jy wil weet?”, of: “Wat gaan jy maak as jy weet?” Eers het ek gedink hulle is maar ’n onvriendelike klomp. Maar toe kom ek spoedig agter dat dit kulturele verskille is en dat ek meer sensitief moet wees vir die feit dat verskillende kulture verskillende gebruike en gewoontes het.
 

Ek moet leer om nie soos ons hond maak wat blaf vir alles wat hy nie verstaan nie. Ek moet altyd respekvol wees. Dit is wat 1 Petrus 2:17 van my vra. Alle mense verdien respek, nie net my vriende of my familie nie. So sê die Here. As mense in ander kulture anders optree as wat ek verwag, dan mag ek nie neersien op hulle nie. Of dink hulle is onbeskaafd nie. Dan moet ek Filippense 2:5 se woorde agterna doen deur op te kyk na hulle. Ek moet nuuskierig bly oor hoekom mense in ander kulture ander gebruike het soos om nie so maklik oogkontak te maak soos ons nie. Of hoekom hulle dalk nie so maklik lag in die publiek nie. Dan sal ek agterkom dit het niks te make met onvriendelikheid of afgestomptheid nie. Dit is maar net kulturele gebruike. Dan leer ek sommer om hulle meer te waardeer. Dit is wat God van my vra hier in sy veelkleurige wêreld waar Hy my geplaas het om sy Naam uit te dra.

 

Please reload

ONLANGSE ARTIKELS

November 12, 2019

November 6, 2019

November 5, 2019

November 1, 2019

Please reload

AFDELINGS & SKRYWERS
LEES SOORTGELYKE ARTIKELS
Please reload

© 2019 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: