Ons hoef Hom nie te Skype nie

December 28, 2018

Moenie hartseer wees nie. Glo My, dit gaan glad nie so sleg wees wanneer Ek weggaan nie. Inteendeel, julle gaan daarby baat vind. Dink net, as Ek nie teruggaan nie, sal die spesiale Helper nie na julle toe kom nie. As Ek egter weggaan, sal ek Hom na julle toe stuur. Johannes 16: 7

 

Dis niks lekker om totsiens te sê nie. Veral nie as dit iemand is vir jy baie lief is en wat jy dalk ‘n tyd lank nie gaan sien nie. Menige ouer moes al met seer harte hul kinders groet wat vir ‘n onbepaalde tydperk of permanent buiteland toe gaan. Dan kry internet-verbindings mos ‘n nuwe betekenis! So was die dissipels se harte waarskynlik absoluut verskeur toe hul Meester en Vriend hemel toe is … totdat hulle besef het dat Hy hulle toe nié alleen gelos het nie.

 

Na ons Here se hemelvaart het Hy Homself op so ‘n wonderlike manier vir ons gegee. Hy’t sy Gees gestuur om só deel van ons te word dat ons nie een oomblik van Hom verwyderd hoef te wees nie. Ons hoef maar net aan Hom te dink om te weet: Hy’s bý ons. Ons hoef net op Hom te fokus en te ervaar: Hy hoor ons. En ons kan maar net in sy teenwoordigheid vertoef totdat ons rus vind vir ons siel.

 

Hoe wonderlik dat ons nie die Gees hoef te Skype nie! Omdat Hy reeds bý ons is!

 

Vou die sagte vrede van U hier-by-my-wees om my hart, Gees van God.

 

Please reload

ONLANGSE ARTIKELS

February 27, 2020

February 26, 2020

February 25, 2020

February 21, 2020

February 19, 2020

Please reload

AFDELINGS & SKRYWERS
LEES SOORTGELYKE ARTIKELS
Please reload

© 2020 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: