As Hy jou iets vra, dan kán jy!

May 26, 2017

Verskoon my, Here”, sê Moses toe vir die Here, “ek was nog nooit goed met woorde nie. Selfs hier waar ons met mekaar praat, haak my tong vas as ek iets moet sê.” Eksodus 4:10

.

Soms weet ons diep in ons harte dat ons iets móét doen. Dis asof die Gees saggies en aanhoudend vir ons fluister en aanmoedig om ‘n sekere pad te loop, ‘n spesifieke taak te verrig, iewers heen te gaan of vir iemand iets te sê. Heel dikwels is hierdie “Doen-dit-nou-opdragte” nie maklik nie. Dit sou beteken dat jy uit jou gemaksone sal moet beweeg en iets gaan doen wat nie noodwendig gerieflik is nie. Juis daarom is dit sulke tye maklik om “Nee” te sê. Om soos Moses, vir God te vra of Hy nie maar liewer iemand anders wil stuur nie.

 

Moses het hard probeer om God te oortuig dat hy nie die regte persoon is om die volk uit Egipte te lei nie. En die Here moes ‘n klomp dinge doen om die hakkelende Moses uiteindelik te oorreed om die groot taak aan te pak. Wanneer Moses uiteindelik instem, doen hy hierdie missie met groot passie en doelgerigtheid en ervaar Hy dat God elke tree van die moeilike pad sáám met hom trek.

 

God sal jou nooit vra om iets te doen en jou dan alleen daarmee los nie. Hy trek saam met sy kinders deur die woestyn en lei hulle tree vir tree tot by die beloofde eindbestemming.

 

Here, help my om te onthou dat U altyd saam met gestuurdes gaan.

 

Please reload

ONLANGSE ARTIKELS

February 14, 2020

February 11, 2020

February 7, 2020

Please reload

AFDELINGS & SKRYWERS
LEES SOORTGELYKE ARTIKELS
Please reload

© 2019 Ekerk Vereniging.

Trots gebou deur Ekerk.

Ekerk bankbesonderhede:


Ekerk Vereniging,

ABSA Bank, Takkode: 632 005,

Rekening: 4059 699 232

South Africa | Suid Afrika

Vind, volg & bevriend ons hier:

  • White Instagram Icon
  • White Facebook Icon
  • White Twitter Icon

Laai ons "app" af: