Donderdag: 29 Sept JOHANNESBURG – DOHA

​

Ontmoet mekaar om 10:00 by die Qatar Airways inboek-toonbank van Johannesburg se O.R. Tambo Internasionale lughawe. Handel die nodige formaliteite af en bespreek u bagasie deur na München. Vertrek om 13:50 om teen 23:10 in Doha te arriveer. Sluit aan by die vlug wat net na middernag om 01:45 na München vertrek. Oornag aan BOORD (A*)

​

Vrydag: 30 Sept DOHA – MÜNCHEN

​

Arriveer om 07:00 in München aan waar ons toergids gereed is om ons op ‘n besigtigingstoer van die stad te neem. Ons het ook tyd tot ons beskikking is om Marienplatz en die gewilde Hofbrauhaus te geniet. Oorplasing na ons hotel waarna die res van die dag vry het om na die oornagvlug te ontspan. U kan gerus die gewilde “Oktoberfest” op eie stoom besoek. Oornag inMÜNCHEN (O*) -Feringa Park Hotel

​

Saterdag: 01 Okt MÜNCHEN – OBERAMMERGAU – BAVARIA

​

Reis vanoggend na Oberammergau waar ons tyd het om die dorpie te verken en dan een van die hoogtepunte, die 2022 passiespel te ervaar. Deel I van die toneel begin om 13:30 en duur tot 16:00 waarna pouse en deel II van die opvoering vanaf 19:00 tot 21:30 volg. Dit is in hierdie dorpie waar die plaaslike inwoners hul belofte aan die Here nakom deur elke tien jaar die gebeure te gedenk waar God die gemeenskap van Oberammergau gespaar het, deur hul gebede te verhoor en die dodelike swart plaag wat Europa in 1634 geteister het, van hulle te weerhou. Na afloop van die toneel word ons na die hotel geneem vir oornag in die omliggende Bavariese dorpie BAD KOHLGRUB (O)(A) -Schillingshof

 

Sondag: 02 Okt BAVARIA – NIEUSCHWANSTEIN – ROTHENBURG OB DER TAUBER

​

Vertrek vir ‘n foto-stop na die Nieuschwanstein kasteel met sy sneeu-wit kalksteen fasade en sprokie-torings wat bokant die boomtoppe van die omliggende Hohenschwangau vallei se bergpieke toorn. Hierdie kasteel is só verbeeldingryk dat dit maklik uit die bladsye van ‘n sprokiesverhaal gehaal kon word. Reis verder met die “Romantiese” roete langs na Rothenburg ob der Tauber, omring deur asemrowende natuurskoon. Die 400km-lange roete tussen Füssen en Würzburg word as een van die mooistes van Bavaria bestempel met sy wingerde en romantiese klein dorpies wat tot by die voetheuwels van die Bavariese Alpe strek. Aandete en oornag in ROTHENBURG OB DER TAUBER (O)(A) -Altes Brauhaus

 

​

Maandag: 03 Okt ROTHENBURG OB DER TAUBER – WARTBURG

​

Rothenburg ob der Tauber is ‘n dorpie in Noord-Bavaria bekend vir sy goed behoue middeleeuse argitektuur. In die Ou-dorp ons ontmoet ons plaaslike toergids by die fontein op die markplein. Ons begeleide twee-ure staptoer deur die geskiedkundige Ou-dorp met sy romantiese stegies en prentjiemooi pleine, bied ‘n insiggewende kykie na die ryk geskiedenis van die Ou-dorp van Rothenburg. Sluit die toer af met ‘n besoek aan die Gotiese St James kerk. Vertrek dan en reis verder met die “Romantiese” roete langs na Würzburg. Hierdie pad is net na die Tweede wêreldoorlog op die ou Roomse-roete gebou en spog met van die mooiste kastele in Duitsland. ‘n Drie-ure busrit neem ons na ons hotel in die Eisenach omgewing. Aandete en oornag in WARTBURG (O)(A) -Romantik hotel Auf der Wartburgh

  

Dinsdag: 04 Okt EISENACH – WARTBURG

​

In 1521 het Luther skuiling teen die pous in die Wartburg Kasteel geneem. Bring besoek aan hierdie middeleeuse kasteel wat hoog op ‘n rots gebou is met sy museum wat op middeleeuse kuns fokus. ‘n Kort busrit neem ons na Eisenach. Sien waar Luther die Nuwe Testament binne slegs elf weke na Duits vertaal het. As kind het hy in Eisenach skoolgegaan en in die koor van die St George’s kerk gesing; dieselfde kerk waar ook die familie van komponis Johann Sebastian Bach, aanbid het. Ons het die middag vry om die dorp op eie stoom te verken. U kan gerus die Luther-huis museum besoek. Aandete en oornag in WARTBURG (O)(A) -Romantik hotel Auf der Wartburgh

  

Woensdag: 05 Okt WARTBURG – ERFURT – EISLEBEN – WITTENBERG

​

Vertrek vanoggend na Erfurt waar ons plaaslike toergids ons by die katedraal-plein bekend as “Domplatz” ontmoet. Onderneem ‘n begeleide staptoer en besoek die Augustynse klooster waar Luther as ‘n monnik gebly het. Sien die katedraal van Maria waar hy georden is met die St Severus kerkgebou net langsaan geleë. Reis verder na Eisleben waar ons vrye tyd het om in hierdie middeleeuse dorp saam met ons toerleier na Martin Luther se geboortehuis te stap. Erfurt word as tuisdorp van Luther bestempel. Reis verder vir aandete en oornag in WITTENBERG (O)(A) -Luther hotel

 

Donderdag:06 Okt WITTENBERG – BERLYN

​

Onderneem vanoggend ‘n staptoer en ontmoet ons plaaslike toergids by die Lutherhuis in Collegienstraat. Stap deur die Ou-dorp en besoek die Lutherhuis, die Dorpskerk en die Kasteelkerk. Ons het die middag vry en u kan gerus op eie stoom Melanchthonhaus, die herformer Philipp Melanchthon se skrywershuis wat in ‘n museum omskep is, besoek. Sien die skilder Lucas Cranach se huis en werkswinkel of besigtig Yadegar se 3600 uitbeelding van Luther se tesis, bekend as die “Asisi panorama of Luther 1517”, in u eie tyd. Reis verder oor Potsdam na Berlyn waar aandeteby ons hotel bedien word. Oornag in BERLYN (O)(A) -Park Inn

  

Vrydag: 07 Okt BERLYN

​

Tyd om saam met ons plaaslike toergids ‘n stadstoer van Berlyn te onderneem. Sien onder andere hoogtepunte soos die Pergamum museum met die tempel van Zeus, die fassade van die stad Milete en die Ishtar Hek van Babilon. Die gewilde Brandenburg-hek is ons laaste stop. Keer terug na ons hotel vir aandete en oornag in BERLYN (O)(A) -Park Inn

  

Saterdag: 08 Okt BERLYN – DOHA

​

Geniet vrye tyd in Berlyn voordat ons vroegmiddag na die lughawe oorgeplaas word vir die Qatar Airways vlug wat om 16:40 na Doha vertrek. Met die aankoms om 23:25 sluit ons aan by die vlug wat na middernag om 02:25 na Johannesburg vertrek. Oornag aan BOORD (O)(A*)

 

Sondag: 09 Okt JOHANNESBURG

Stryk om 09:45 in op Johannesburg se O.R.Tambo Internasionale lughawe neer; ryk aan herinneringe en verryk in die gees. Eendag maak ons weer so! (O*)