Reaksie op Hierdie Gesprek

Permalink Reply by Rudolph van Wyk on 11 Maart 2010 at 7:53

Ons is Manne van Belofte. Ons het ontstaan na die Mighty Men Conference 2009. Kort na die konferensie het ons in die plaaslike koerant bywoners daarvan uitgenooi om bymekaar te kom. Ons het Bybelstudie elke Dinsdagaand sedert daardie tyd en het nog nie een aand dit afgestel nie. Ons is 'n gemiddeld van 20-24 manne wat elke Dinsdagaand bymekaarkom. Ons het ook familie- en gesinsfunksies waar ons dan 'n groter geleentheid het. Het ook al manne-ontbyte gereël met sprekers o.a. Roelie van der Spuy, Jimmy Abbott en Dan Dobrowsky. Ons is 'n inter-kerklike organisasie en die manne kom uit verskillende kerke - ons enigste "kerk" is Jesus. Ons kom bymekkar om die Woord van God. Ons kry ook soms sprekers op Dinsdagaande, bv Voltan Senekal van Solidariteit Helpende Hand en Joggie Swanepoel van die Afrika Evangeliese Bond. Ons fokus is om die manne sterk te maak en toe te rus om leiers in hulle huise te wees, en hulle gesinne te lei in die Naam van Jesus.

Permalink Reply by Dennis Palm on 11 Maart 2010 at 21:11

Rudolph

Dankie vir jou gesprek. Ons vind ook dat die Heilige Gees in hierdie laaste dae besig is om die skeidsmure tussen die kerke af te breek. Ek is Pastoor by die AGS van SA, maar ons het so `n ongelooflike band opgebou met veral die NG Kerk, dat ons Desember wy aan gesamentlike dienste. Deur die jaar reel ons ook saam byeenkomste waar ons kunstenaars kry om op te tree of om net saam te kuier. Ons het nou `n kinderkerk begin wat bestaan uit die kinders van die AGS, VGK en NG Kerk en ons het reeds bykans 120-150 kinders wat dit bywoon. Kom ons vat hande en bid dat hierdie Lewende Water deur ons land sal bruis!

Groete
Dennis Palm