Ek het raad nodig by mense wat die Bou-'n-Huis ding al gedoen het. Daar is twee bejaarde mense, Garden & Eunis, wat vir 'n tyd lank by my huis vir kos kom vra het en in die gesels met hulle het ek agtergekom dat hulle shack in 'n swak toestand is. Ek het gister kans gekry om te gaan kyk en ek was geskok oor die swak toestand van hulle shack. Die dak lek erg en as dit reen is die shack onder water. Ek het gehoop dat ek 'n paar sinkplate sal kan kry om die dak reg te maak, maar die konstruksie van die shack lyk vir my swak en dit sal slegs 'n baie tydelike oplossing wees. 

My gevoel is dat sal ek moet soek vir 'n seil om tydelik die lekkende dak probleem op te los en dan plan maak vir 'n nuwe shack. Dit is by die nuwe shack waar ek raad nodig het. Waar begin ek? Moet ek met 'n community leier praat? Hoe kry die community leier in die hande? Is dit die beste om 'n voorafvervaardige shack te koop wat 'n mens daar kan opsit? Waar kry ek so iets? 

Die ou oom (Garden) is blind en die tannie se energie is ook nie groot nie so hulle kan geen werk verrig nie. Hulle Engels is maar redelik gebroke so kommunikasie is nie maklik nie.

Ek sal enige raad verwelkom. As daar iemand is wat in Port Elizabeth of omgewing bly wat wil help - Groot asseblief.

Eugene Roberts